He aha kei roto i tāu kete?
Ngā wāhanga katoa o te kete
Ngā wāhanga mō te whakahiato PCB
Rārangi taputapu mō ngā wāhanga
Printed circuit board (PCB)
Push button switches and caps x2 (Up/Down)
3-position toggle switches x2 (Left/Right)
RJ45 connector
7.5A fuse and fuse holder
Wire for battery connection 1m
Croc clips and insulators x2
Battery spade connectors and insulators x2
Cable ties x2
3D printed case
M3 x 6mm screws x8
Me Hanga Tātou!
Tāuta ngā Pātene Pana
Panapanaia ngā pātene e rua ki ngā kōhao PCB kei te taha o ngā tohu UP me DOWN o te PCB.
Whakaurua te PCB i te Pouaka
Kia tūpato, āta whakaurua o te PCB ki roto i te 3D printed case, kia kuhu ai ngā pātene mā ngā kohao o mua.
Tirohia te whakaritenga
Tirohia kia tika te whakarārangi o ngā wāhanga katoa, ā, kia tōtika hoki ngā pātene. Ka taea te whakamahi ētahi tīwiri hei pupuri i te PCB.
Tūhoto ngā Pātene Pana
Tūhoto ngā pātene kia mau. Tangohia te PCB i te pouaka i muri i tēnei mahi.
Whakatūria ngā Whakakā
E rua ngā whakakā tūnga-toru. Whakatūria ki ngā kōhao o te PCB kei te taha o ngā tohu PORT me STBD. Kāore he take mō te ahunga o ngā whakakā.
Whitikiria te Taupoki
Whitikiria te taupoki ki runga i ngā whakakā e rua kia pupuri ai i te tūnga tika. Hurihia koaro te PCB me te taupoki, ā, whakatakotoria ki runga i te pouaka ki te noho whakararo taupoki.
Tūhoto ngā Whakakā
Puritia te PCB kia papatahi (tērā pea ma tētahi atu e āwhina), tūhototia ngā whakakā. I ētahi wā he pai ake te tūhoto i tētahi waewae kotahi o te whakakā, kātahi ka hiki ake te papa hei tirotiro mēnā kei te tōtika.
Tāutatia te hononga RJ45 me te Tūnga Katiara
Pēhia te hononga RJ45 me te Tūnga Katiara, ko te manako kia tuturu te mau.
Tūhoto te RJ45 me te Tūnga Katiara
Hurihia te PCB, kātahi ka tūhoto i te hononga RJ45 me te Tūnga Katiara.
Whakaritea ngā Waea Pūhiko
Huraina te hiako (tata ki te 5mm) i ngā pito o te waea mō te hononga pūhiko, ā, takawiria ngā pito o te waea kia tōtika ai ngā whenu katoa. Kātahi, kia āta whakauru ngā waea ki ngā kōhao o te PCB.
Whakauru ngā Waea Pūhiko
Kia āta hurihia kōaro te PCB, me te pupuri tonu i ngā waea kia noho pūmau ki tō rātou wāhi. Tērā pea kia takitahi te whakauru i ngā waea mēnā ka paheke tonu ki waho.
Tūhoto me te Poro i ngā Waea
Tūhototia ngā waea kia pūmau ai ki ō rātou wāhi, ā, poroa ngā pito mēnā e roa rawa ana te puta ki waho.
Herea ngā Waea ki te Here Taura
Retia ngā waea i tētahi here taura , tata ki te 25mm te tawhiti mai i te wāhi i tūhototia ai ki te PCB. Mā konei e whakamutu i te kumetanga o ngā waea i te hononga tūhoto, kia kore ai te hononga e whati i a koe e toa ana i te whakataetae!
Tāuta te katiara
Pēhia te katiara kia noho ki roto i te tūnga katiara.
Whakamau te PCB ki roto i te pouaka
Whakatūria anō te PCB ki roto i te 3D printed case, ā, whakamaua ki ngā tīwiri e whā.
Katia te pouaka
Me whakarite kia takoto ngā waea ki runga i te kōhao o runga o te pouaka, kātahi ka whitiki te taupoki, ā, whakamaua ki ngā tīwiri e whā.
Kōwhiria tō hononga pūhiko
E rua ngā momo hononga pūhiko. Kōwhiria te mea e hāngai ana ki tō whakaritenga.
Ngā hononga pūhiko
He hononga pūmau, he hononga haumaru ake
Ngā kōkiri Croc
He ngāwari te tūhono me te wetewete
Whakamātauhia tō roumamao
Ināianei, whakamātauhia tō roumamao ki a tika te haere!
Whakaritea te mita-maha
Mā te whakamahi i tētahi mita-maha matihiko, whakaritea te inenga ki te tohu Ω. Pā atu ngā pito ine o te mita-maha ki a rāua anō, ā, tirohia kia heke te pānui ki te 0 (tata rānei ki te 0).
Whakamātauhia ngā pito o te roumamao
Tūhonoa ngā pito e rua o te mita-maha ki ngā pito o te roumamao. Me tohu te mita i te nama mutunga kore (i ētahi wā ka whakaatūria hei “OC” i runga i te mita-maha).
Whakamātauhia ngā Pātene me ngā Whakakā
Me pēnei te pehitanga o ngā pātene e rua; Pēhia te pātene tuatahi, whai muri iho, pēhia te mea tuaruaa. Kei te pēnei hoki ngā whakakā. i. Me noho ōrite tonu te mita-maha ka tika.
Whakamātauhia ki te Karetao Hiko Rukuwai
Tūhonoa te roumamao ki tō Karetao Hiko Rukuwai, ā, whakaotihia anōtia taua tirohanga . I tēnei wā, me noho mutunga kore te mita maha i te wā kāore he pātene e pēhi ana, ā, mēnā ka pēhi he pātene, me heke te mita maha - tata ki te 5 ohm te pānui.
Ngā Rauemi Tāpirihanga
Tikiake ngā tauira 3D me ngā hoahoa.
3D Printable Cases
Pouaka Taketake
He hoahoa pouaka māmā, he ngāwari te tā, he pai mō te hunga tīmata.
Pouaka Kōpiko
He hoahoa kōpiko, he pai mō te pupuri hāneanea i te raumamao.
Ngā hiko me ngā hoahoa ara iahiko
Hoahoa Raumamao
He hoahoa ara iahiko katoa e whakaatu ana i ngā hononga katoa me ngā uara o ngā wāhanga.
Ngā kōnae hoahoa PCB
Ngā kōnae kaupapa Altium Designer mō te hunga matatau e hiahia ana ki te whakarerekē i te PCB.
Ngā tohutohu tā 3D
Ngā Whakaritenga Perehi
- Te teitei paparanga: 0.2mm
- Kī (infill): 0% (i hoahoatia mō te tā kōhao)
- Ngā pou tautoko: Kāore e hiahiatia
Ngā Rauemi
- PLA: Ko te rauemi e taunakitia ana - he ngāwari te perehi, he pai mō tēnei kaupapa hoki
Ngā Taputapu Whakahiato
- Ngā M3 x 4mm heat set inserts x8 e hiahiatia ana
- Ngā tīwiri M3 x 6mm x8 e hiahiatia ana
- Kāore he aha ki te whakamaene - ka tino pai te ū o ngā wāhanga i te perehitanga